Қызылжар АЭЖ энергетиктері су тасқынына дайындығын растады «Солтүстік Қазақстан ЭТК» АҚ Қызылжар аудандық электр желілерінің қызметкерлері су тасқынына дайындығын растады. Олар «Көктем 2026» республикалық командалық штабтық оқу-жаттығуына қатысты.
Энергетиктер апатты қалпына келтіру бригадасының жұмысын және арнайы техниканы көрсетті. Штаттан тыс жағдайларға жедел ден қою үшін материалдық-техникалық ресурстардың барлық қажетті қоры толық көлемде қалыптастырылды. Солтүстік Қазақстан облысында «Көктем 2026» оқу-жаттығуы 25-27 ақпан аралығында өтуде және барлық электржелілік аудандардың энергетиктерін қамтиды. Энергетика саласының өкілдерінен басқа, іс шараларға азаматтық қорғау қызметтері, жергілікті атқарушы органдар, авариялық-құтқару қызметтері, төтенше жағдайлардың алдын алуға және жоюға жауапты мамандандырылған құралымдар жұмылдырылған. Осындай ауқымды жаттығуларға қатысу ведомстволар арасындағы өзара іс-қимыл алгоритмдерін пысықтауға, персоналды даярлау деңгейін арттыруға және тіпті қиын ауа райы жағдайлары кезінде де үздіксіз энергиямен жабдықтауға кепілдік беруге мүмкіндік береді.