Петропавл 2-ЖЭО-нда жаңа Т10 СПМ бульдозері сатып алынып, пайдалануға берілді. Көлік станцияның технологиялық тізбегінің алғашқы буыны болып табылатын отын-көлік цехында жұмыс істейтін болады. Жылу және электр энергиясын өндіру үшін отынның уақытылы жеткізілуі осы цехтың үйлесімді жұмысына байланысты.

«Бүгін жаңа бульдозердің кілтін табыстау рәсімі өтті. Жыл соңына дейін тағы бір техника келеді деп күтілуде», — деп хабарлады Петропавл 2-ЖЭО директоры Дмитрий Захаров.

Жаңа техниканы алғашқылардың бірі болып отын-көлік цехының бульдозер машинисі Сергей Козупица сынақтан өткізді. Ол көліктің жұмысын тексеріп, оның мүмкіндіктерін тікелей жұмыс учаскесінде бағалады.

Арнайы техниканы жаңарту отын-көлік цехы жұмысының сенімділігін арттыруға және жылыту маусымының тұрақты өтуі үшін қосымша жағдайлар жасауға мүмкіндік береді.